[A:465]mthu stobs nus pa'i snyan grags che bar 'dug pas khyed rang der byon na phan thogs 'ong gsungs pa sku tshe sngon ma nas 'brel pa che ba dang snyan brgyud kyi bstan pa nyin mo bzhin gsal bar 'gyur pa mngon par mkhyen pas gzigs te lung bstan par gor ma chag pas/ rigs kyi bdag po kun spangs rje dang thog mar mjal ba'i 'phral rkyen gyi mtshams sbyor zhabs bsnyun pas byas te/ de skabs gtsang stod seng ge rtser slob dpon bram ze mchog sred kyi sprul pa'i zlos gar mthu stobs kyi dbang phyug rje btsun kun spangs chen po kun bzang chos kyi nyi ma blo ldan shes rab kun dga' rgyal mtshan dpal bzang po phebs pa'i drung du yab dang lhan cig par byon te zhal mjal ba tsam gyis 'phrog tu med pa'i thugs dad bla na med pa 'khrungs/ zhabs bsnyun pa'i rgyu mtshan zhus pas dpal gsang ba'i bdag po phyag na rdo rje u tsarYa'i rjes gnang stsal/ rdo rje'i chos skyong rnams la bar chad sel ba'i bka' bsgo 'phrin bcol la brten nub cig mnal lam du sku smad la sgra tshal g.yogs 'dug pa'i ngang la g.yag khyu chen po byung bar ya nga ba'i snang ba shar ba'i tshe de khrod nas g.yag chen po zhig gis nged tsho khyed la gnod pa skyel du 'ongs pa min zer nas rwa rtses sbra tshal blangs nas phyir bsal song ba dang / yang skabs shig bud med cig gis sa la ri mo 'ga' zhig bris pa'i grangs brtsis nas lo 'di'i bar zhabs kyi snyun ro cung zad langs yong de nas gzhi med du 'gro zer ba kho na ltar byung ba g.yag rnams dregs pa pho brgyud dang bud med de mo brgyud kyi rnam 'phrul te bstan