[A:457]shes kyin 'dug /yi ge 'di rdo la thod le kor gyis bris shing / de rjes nyi ma gcig gnyis bris pas shes byung gsung pa kun mkhyen bu ston zhabs kyi rnam thar du gsal ba'i bag chags kyi klong rdol bar sems/ de'i tshe phyi rol tu byis pa 'ga' dang lhan cig tu byon pa na 'byung po ma rungs pas brlams pa'i khyi zhig gis phyag shubs la 'changs pas gzhan rnams bros rje nyid thugs tshad pa'i rkyen gyis he ru kaHzhal brgyad pa'i rnam par rang byung gis shar nas sdigs mdzub mdzad pas pha tshad du bros/ der rjes byis pa gzhan rnams kyis rol mo dkrol tshul dang rje nyid kyis 'jim pa la bzos pa'i gtor ma zhig sku rtsed kyi tshul du 'phangs pas khyi de'i kha nas khrag skyugs nas shi /dgung lo lnga drug tsam gyi tshe nub cig yab kyi stag zhon gyi thun gtor bsngos pa skyel du byon pa na mi nag po 'jigs su rung bas gtor ma de dngos su blangs song de la 'jigs nas cung zad bros te phyi log mdzad gzigs pas de'i 'khris na'ang 'jigs su rung ba zhig 'dug pa des mai tri pas da khyod la dngos su gtad khyod kyis tshul bzhin bsten ngas kyang mchog thun gyi dngos grub sbyin pa yin pas gtor ma re ma chags par bslang zer/ mar byon nas yab la zhus pas nged rang gi chos skyong yin gsung yang sngon ma de stag zhon dang phyi ma de ye shes mgon po phyag drug par nges shing des rkyen byas nas mkhas grub khyung por 'khrungs pa thugs dran gsos snang / skabs 'gar mi dmar po gzi brjid shin tu che ba dang A tsarYa'i rnam pa can gyis dga' ba'i rnam