[A:453]gsum byung ba'i 'khrul pa med pa ni/ rgyud gab pa gnad gzer las/ dgun nyi ldog pa'i tshes snga ma/ /lo ni snga ma'i mjug yin la/ /log nyin phyi ma'i 'go bo ste/ /snga lo phyi lo'i 'pho 'tshams kyi/ /pho brang lha tshogs thams cad dang / /sa bdag rje blon 'khor bcas rnams/ /dgun nyi ldog nas bskya bar byed/ /ces smal po'i zla ba'am hor zla bcu gcig pa dpyid ra stag tu gra phug pa ba sogs tshad thub kyi mkhas pa mang po bzhed pa/ 'phags skyes po'i rtogs pa brjod pa'i yal 'dab tu/ de nas yid srubs longs spyod grogs/ /sbrang rtsi 'thung ba rnams kyi gnyen/ /skal bzang 'khri shing 'khyud byed pa/ /legs ldan dpyid ni mthong bar gyur/ /ces dpyid zla 'bring po nya ro hI ta'i khyim rgyal gyi zla ba'i dpa' bo mkha' 'gro 'du ba'i tshes bcu'i res gza' nyi ma/ zla skar smin drug gi res la babs pa'i tshe rmu gshong dge ba'i tshal zhes sum rtsen gyi gzhal yas khang la co 'dri ba der/ gtsug na nor bu'i rtogs pa brjod pa'i yal 'dab tu/ de nas dus ni yongs rdzogs te/ /mkha' la bdud rtsi'i 'od zer bzhin/ /'gro ba'i rab rib kun 'joms bu/ /lha mo la ni btsas par gyur/ /ces yum la snyun sogs gang yang mi mnga' bar ston gyi nam mkha' g.ya' dag pa la ri bong 'dzin pa'i dkyil 'khor nya gang ba bzhin sku bltams pas gsung mgur las/ ser gzugs bdag gi skyes pa'i yul/ /gangs ri'i khrod kyi gtsang stod cha/ /chu bo pakShu'i lho yi ngos/ /grum stod sa skya'i bya 'dabs