[A:452]rten 'od zer 'phro bar khrus gsol zhing skor ba mdzad pa sogs dam pa 'di lhums su 'jug pa'i ltas ngo mtshar ba mang du byung / 'khrungs lo ni 'o skol gyi ston pa drag po zhes pa lcags sprel la sku bltams nas lo nyis stong lnga brgya bcu bdun 'das pa 'phags pa'i yul du stod 'grel pa'i lugs kyi rjes su 'brangs te dundu bhi zhes pa rnga chen du grags shing shar phyogs rgyal po'i khab tu zhin zu'i zhes chu pho khyi lor 'jig rten yongs grags dang bstun na 'thad cing gtsug lag dang bstun na khrag skyug ces pa chu mo phag gi lo'i dus kyang mdzod rang 'grel du/ sangs rgyas pa rnams kyi dus kyi dang po ni dgun no/ /gnyis pa ni dpyid do/ /gsum pa ni dbyar ro/ /zhes 'dul mngon pa rnams dus kyi thog ma dgun du mdzad/ 'grel chen dri med 'od las/ sa ka'i nya la skya rengs shar ba'i tshe mngon par rdzogs par sangs rgyas so/ /de nas zla ba bcu gnyis pa nag pa'i nya la shrI dha Nya ka Ta kar/ zhes ston pa sa ka'i nya la sangs rgyas pa nas brtsis pa'i bcu gnyis pa nag pa'i zla bar dpal dus kyi 'khor lo'i rtsa ba'i rgyud stong phrag bcu gnyis pa gsungs pa dang rigs ldan grags pas/ tshangs pa'i drang srong bye ba phrag phyed dang bzhi rigs bzhi rigs gcig tu byas nas dbang bskur zhing rtsa rgyud las bsdus rgyud bsdus pa'i zla ba yin par brten lo 'gor mdzad cing / dhrU ba ka'i 'das lo 'tshol ba'i tshe'ang nag pa nas thog mar byed pa'i lugs srol dar na'ang bod 'dir yongs grags kyi zla 'go ni rgya nag spor thang chen mo'i rjes su 'brang bas de la'ang lugs mi 'dra ba