[A:451]la mos pa dkon cog la bla mar 'dzin cing dge 'dun la rnyed bkur dang ngan long la sbyin gtong brtson pa/ byams pa dang snying rjes rgyud dul ba/ khyad par stag tshang lo tsA bar shin tu dad cing / de nas brgyud pa'i chos nyams su len par gzhol ba de gnyis dam pa 'di dang lcam sring lnga tsam gyi yab yum yin cing / tshes bcu'i dus chen zhig la sangs rgyas kun 'dus rdo rje drag po rtsal gyi 'phrin las gyer ba'i nub yum gyis dpal gtor phyogs la dbu sngas bstad de gzims pa na mnal lam du dpal gtor gyi pad 'dab gcig chad pa'i rnam pas sgo dbye ba lta bu byas/ de'i nang nas gu ru rin po che'i sku yid du 'ong ba 'od zer dang bcas pa zhig seng ge la bcibs te thal mar byung nas thugs kar thim pa dang / yang nub cig stag tshang lo tsA ba dpon slob nas nged tshor do nub gnas tshang dgos 'dug pas nang sor zhus pa'i sdod yul g.yor gsung pa ltar sta gon mdzad pa'i tshe bla ma de 'jam dbyangs dmar ser gyi rnam par gyur pa thugs kar thim pa'i snang ba byung / mnal sad tsa na lus shin sbyangs kyi bde ba lta bur yug cig lus pas zhal ta ma zhig gis da bzhengs/ las thebs 'chag zer bas nyams de sad kyang de nyin gyi phyag las mtha' dag sngar dang mi 'dra ba'i bde ba de ka'i ngang du 'gro ba zhig byung / gnas pa de nam byung ba'i dus dngos su me tog gi char/ 'ja' dkar po/ sngar tshor ma myong ba'i dri bzang po 'thul ba yong zhing / yang mnal lam du mi zhig gis g.yu ster ba/ gser gyi mchod