[A:623]rgyal ba kun gyi thugs rje gcig bsdus pa/ /mkhas dang grub pa'i dbang phyug rdo rje 'dzin/ /'gran zla kun bral drin can tshar pa rje/ /rnam thar dran zhing snying nas gsol ba 'debs/ /zhes me tog 'thor bar nye ba'i sngon rol tu rin po che bod mkhar ba'i rnam thar las rang la yod pa'i zang zing gi dngos po rnams kyang phul bka' chos 'dra yang zhus/ rje'i zhal nas nga la yang dgra 'dra yod pas 'dul dgos pa yod gsung yang na so rgas pas mi yong 'dug pas nga'i dgra khyed slob ma rnams kyis 'dul dgos gsung / ha cang dgra tshan che shos 'khor bar sgyur mkhan dug lnga yin pas 'di 'dul ba yin mod gsung / yang dug lnga med pa byas na ye shes lnga'i rgyu mi yong 'dug de yang mi yong 'dug gsungs/ bdag la da chos rje'i drung dbus la byon dbus su dgon pa che chung gang byung yang zhal bdag mdzod gsungs/ dam tshig dril bu yang 'di 'khrol bar mdzod gdul bya mang po yong sun pa tsam yong gsungs te rjes su ji ltar gsung pa bzhin byung / zhes gsung gi tha ma lta bu'i lung bstan stsal/ shing bya'i lo bo dong phun tshogs rab brtan du bzhugs pa'i tshe gzibs chung gi sbug cig nas rje btsun rdo ring pa'i gsung 'dra rung ba'i gdangs las lan cig khur bskyed la sdod de nas ngas 'bod mi btang gis gsung ba dngos su gsal bar byung ba nas lo gnyis song ba me pho stag gi lo thugs dam 'od gsal la khyab bdag kun spangs chen po phebs nas chos rje yar byon gsung brda yang yang mdzad pa na thugs nges par byung ba'i rtags phyir rol sogs su dus ma yin par rlung ldang ba/ sa g.yo ba/ 'khrug long sogs mi dge ba'i ltas mang du shar/ de'i tshe thams cad