[A:622]gsung yin mod/ de tsam rgyu mtshan du byas na thug med du thal bas 'dir ma bkod do/ /gnyis spangs bla ma'i brda thabs lung bstan bzhin/ /so dkar rigs kyi sa la spyod pa'i thar/ /zhabs sen atpal chun po nyer bcings nas/ /'di phyi'i mdun ma bu bzhin ngang gis mdzad/ /mthu stobs brgya byin yan lag rnam bzhi'i dpung / /bso sgrar bcas te mtshon char phab pa'i mod/ /mi srun lha min sde rigs bsgral ba'i g.yul/ /rngom pas gdong smad mya ngan khang bur brgyal/ /kun nas yid dbang dga' mas 'khrid pa'i glang / /dad bstan pad dkar rdzing bu 'dam bzhin du/ /brdzi yang bzang rdzu'i gser sbyangs rgyan mdzes pa/ /bshes gnyen rin chen bdun gyi bgrang byar min/ /ra gan gser chus byugs dang sa le sbram/ /so sor spyod la 'khrul med mkhas pa'i tshogs/ /khyod zhal bdud rtsi btungs pa'i ring lugs mtha'/ /nam mkha'i ska rags ma des gzhal nus min/ /rnam dag brjod pa pi'u wang yangs pa'i khog /don gyi rgyud mang 'khrol ba'i pusta kaH /shes ldan yid dbang 'gugs byed snyan pa'i sgra/ /skal bzang skye rgu'i rna bar gcig tu 'jebs/ /gsol 'debs las/ zhing 'dir ma lus gdul bya'i don grub nas/ /rje btsun bka' yi pho nyas spyan drangs te/ /zab yangs mkha' spyod dag pa'i zhing khams su/ /dge mtshan dang bcas gshegs la gsol ba 'debs/ /'od gsal nam mkha'i dbyings las bzhengs pa'i sku/ /skal bzang mchog gi thugs mtshor gsal bar bstan/ /gzhan yang rtse gcig dad ldan bka' 'bangs rnams/ /slu med dbyings nas bskyangs la gsol ba 'debs/ /