[A:603]brang chen por gsung ngag rin po che slob bshad yongs rdzogs gnang bar kun mkhyen mkhyen brtses kha'u brag rdzong pa'i bzhed pa ma nor ba gsang chen bstan pa rgyas byed ces bya ba bum dbang gi rmi lam yan chad kyi zin bris yid bzhin gyi nor bu lta bu zhig mdzad/ zla ba bzhi pa nas don gnyer can du ma la dpal gsang ba 'dus pa mi bskyod rdo rje'i rim lnga'i 'khrid sogs bu lugs kyi 'khrid chen bzhi dang 'khrid chung bzhi rnams kyi nyams 'khrid rim bzhin chos thun gsum du bcad de so so'i rgyab rten gyi lung bcas smin rgyas dang / gzhan yang mdo sngags kyi zab chos ji snyed cig stsal/ de yang rim lnga gnang gdong dbang ma thob pa kha yar byung bar smin byed med kha med nas rje bla ma bka' chos gzhan gnang ba'i thugs brel gyis g.yengs nas gnang long ma byung bar kun mkhyen mkhyen brtse la khyed kyis gzhan ma'i rgyas bkab sogs 'dres bslad med pa'i bu ston thams cad mkhyen pa'i yig cha sor bzhag gi dbang zhig bskur mdzod bka' phebs pa bzhin thun 'tshams kyi dgongs mo bzhi tsam zhig mar me la gzigs 'jug mdzad de rdul tshon gyi dkyil 'khor du dbang cha gnyis gsung bzhin bsgrubs/ zha lu pa'i pha chos bde chen ral gcig gi smin grol gnyis bar zhig nas ya bral te rje bla mas grol byed ma gtogs smin byed ma gsan pa mkhyen brtse'i zhabs kyis mchog sprul legs ldan rdo rjer gsan zhing / 'di gnyan cha che grags kyis mang por spel ba ma mdzad rung 'di dus rje nyid kyis da lam ngas bka' rgya bkrol ba yin pas 'tshub mi yong bstan rgyun la