[A:598]gyis phan du re ba'i rigs ma yin par dus dgra'i dbang po ma he'i zhal can gyi bskyed rim la brtan pa thob/ rdzogs rim klong du gyur/ bsnyen sgrub pha mthar son pas 'jigs pa dang bral na'ang gsang sngags phyag len gyi che ba mi nub pa'i slad du bdun gnyis kyi bar ljags bsnyen kha gso mdzad pa'i tshe 'od gsal du 'chi bdag yab yum la gshin rje pho brgyad mo brgyad/ lha srin dregs pa'i tshogs kyis bskor nas zha lu'i rdo gcal du stang stabs byed pa shar/ spyi sgos so so nas gra sgrig dgos pa'i rigs sngar srol 'phyugs med yong ba'i zhal ta gnang / dus der sgo yig gnang pa 'di lta ste/ shrI manggu ru badzra bhai ra wA ya na maH rgyal ba khyab bdag rdo rje 'chang chen po nyid nas bzung bu ston thams cad mkhyen pa yab sras kyis gtso mdzad bdag gi bla ma rje btsun gnyis spangs zhabs kyi bar du byon pa'i rtsa ba dang brgyud par bcas pa'i dpal ldan bla ma dam pa rnams kyi bka'/ khro bo'i dbang po dpal gshin rje'i gshed kyi lung / dpal zha lu gser bkang gi gdan sa bcu gsum pa shAkya'i dge slong rdo rje 'dzin pa dpal dus dgra nag po ma he'i zhal gyi brtul zhugs grub pa'i yi ge /srid pa gsum na gnas shing rgyu ba'i 'byung po mi dang mi ma yin pa rnams la zlo ba/ zla ba 'di'i nyer gsum gyi nyin lho phyogs rim pa bdun gyi sa 'og 'jigs rung gshin rje'i grong khyer chen po nas dpal gshin rje'i gshed kyi bka' sdod chen po 'chi bdag las kyi gshin rje yab yum dang 'khor las kyi ma gshin pho mo snang srid lha srin sde brgyad dang bcas pa spyan drangs/ mchod pa dang gtor