[A:588]bgegs kyi rnam pas khams 'dus pa sgyid lug pa ting nge 'dzin mi gsal ba snyam byed pa sogs skabs 'gar 'byung ba ni rdo rje theg pa'i lam gyi bogs yin pas lta ba gsal stong zung 'jug las ma g.yos par gnang ba zhu/ zhes pa gnang ba la brten nas bgegs kyi 'ching ba mtha' dag nam mkha' la sbrul mdud bzhin grol/ mkhas grub chen po 'di nyid la mkha' spyod skor gsum/ dmar chen skor gsum sogs klu pa'i gser chos bcu bzhi/ rdo rje nag po chen po gur gyi mgon po/ dpal mgon stobs 'phrog dbang po sogs kyi chos skor thun mong dang thun mong ma yin pa/ gshed dmar spros med/ bka' gdams sogs bstan pa spyi bye brag gi zab rgyas chos kyi bdud rtsis thugs kyi bum bzang yongs su gang bar mdzad do/ /lan cig shar phyogs su dgag dgos che ba zhig la phebs pa'i sta gon gyi tshe grang mo che'i mgon khang gi ru mtshon rnams la bka' bsgo 'phrin bcol mdzad pa'i dus gzigs snang la de'i thad kyi nam mkha' rdo rje srin po sku shin tu che ba zhig gis phyag g.yas kyis gri gug sgo tshad tsam 'char stabs su bzung bar me lce tsha zhing rtsub pa'i tsha tsha phyogs bcur 'phro ba gsal bar gzigs shing / der ma zad gnyan mgon chen po dang pho nya las mkhan rnams kyis log par 'khu ba'i dpung tshogs rnams phye ma leb dang me lce'i tshul bzhin rdul du brlag pa'i gzigs snang ci yang byung bar mngon/ gtsug lag khang bsrung ba'i rgyal po li byin ha ra sogs snang srid kyi dregs pa can mang por bka' rtags kyi springs yig stsal ba dag kyang gtsug tor gyi rtse mor 'god cing dam las mi 'da' bas