[A:578]pa gnyan ston sbas pa'i rnal 'byor gyi rnam sprul mkhan rin po che gzhon nu blo gros ched bstad kyis phebs/ bla ma 'di nyid bstan 'dzin gyi skyes bu chen por dgongs te gsung ngag rin po che mkha' spyod skor gsum/ dmar po skor gsum sogs gser chos mgon po che chung / gnod sbyin beg tse sogs kyi dbang rjes gnang 'khrid lung man ngag rnams 'di nas bzung snga phyir mjal ba tshor rim gyis stsal zhing gzhan yang bstan pa spyi sgos kyi gsung chos ji snyed cig gnang / mkhan chen nyid kyi gsung las kyang deng rang 'gro don khyongs chung bas 'chad 'chad nyung gsung ba ltar chos bka' dog pa tsam yod tshod du 'dug cing / dpon yol ba bla chen du grags pas rags rim gsan tshod du 'dug rung khong pa rjes sor rtags brtan sprul skur ha cang mos drag pa'i skyon gyis rang bstan zin pa'i rjes che ba ma byung zhing / zhal slob 'di thon gyi grags mi che'ang dbus g.yo ru'i phyogs su bkra shis chos kyi sde gsar du bskrun pas bstan pa'i me btsa' lta bur song / bdag chen rin po che 'jam dbyangs bsod nams dbang po thugs blo gzu bor gnas pas yar klungs bkra shis rtser phebs nas brag rdzong ma'i 'khrid kyis gtsos snyan brgyud kyi chos skor mang du gsan/ gsang 'khrid skor re zhig phul ba mi 'gab 'dra dgongs te ma gsan gsungs pa mkhan rin po che'i gsan yig btsems ma bya rog gis khyer te bdag chen rin po che'i sku pang du bskyur bas chos skyong gis gdams pa rnams gtod cig ces skabs dbye ba lta bus dpon slob gnyis ka'i che bar song zhing / thugs yid