[A:569]gis gtong ba'i snyim pa ring por brkyang ste zang zing gi bdog pa'i mchod sprin rgya cher spros/ phyogs 'dus gnyug mar gnas pa'i don gnyer can rnams la pha rgyud 'dus pa dang ma rgyud 'khor lo sdom pas thog drangs rgyud sde bzhi dang 'brel ba'i dbang byin rlabs rjes gnang rig gtad 'khrid lung man ngag mang du gsungs/ khyad par gnyis su med pa dpal kye rdo rje'i man ngag lugs dang 'brel ba'i lam 'bras slob bshad kyi dbang 'khrid kyi byin rlabs lung sogs 'jigs pa med pa seng ge'i rgyud kyi nga ro'i sgra dbyangs phyogs brgyar bsgrags pas/ mus pa dkon grags pa sogs phyogs lhung smyo chus zin pa'i glang po rnams kyi dregs pa'i mgo bo bkas par gyur/ 'jam dpal dbyangs mkhyen brtse'i dbang phyug bsnyen rdzogs gnang ba'i sgo dod pa'i tshe rje btsun sgo rum pa chen pos las slob chos rje tshar pa 'gab gsung ba bzhin bo dong du lha rigs 'a zhwa rgyal pos gdan drangs pa bzhin phebs/ 'dul ba'i gzhung nas ji ltar bshad pa bzhin gyi las slob kyi bya ba gsol ba dang bzhi'i las kyi bsgrub bya la bsnyen rdzogs kyi sdom pa byin pas thams cad mkhyen pa dge slong rdo rje 'dzin pa chen por mnga' gsol/ kun mkhyen mkhyen brtse'i zhabs kyis thog drangs pa'i snod ldan 'ga' zhig la rdo rje nag po chen po gur mgon gyi dkyil 'khor lnga'i dbang rdul tshon la brten pa/ phyi 'khrid rdo rje brag rdzong du grags pa la nang gses kyis phyi nang gsang gsum yod ba'i nyams 'khrid zab mo smin rgyas su stsal/ rje mkhyen brtse'i thugs rab