[A:568]dang thugs 'dun la mnyes pa'i gsung 'phros kyang gnang / rdo rje 'chang sgo rum chos rje'i drung du dbang lung man ngag du ma gsan te gzhung skor mdzad nas 'khrul zhig dka' bzhi pa chen po mjal bar phebs pa na 'khrul zhig chen po'i gsung las rje rin po ches bo dong du mgon po'i zab chos shig mi mang rab cig la bshad yod pa 'dra pu tra 'di cung zad mi dgyes pa'i rtags tsam byed kyi 'dug pas 'tshub kyi rnam pa cung zad byung dogs 'dug gsungs/ de nas lam bar du chibs g.yang la 'dred pas rje nyid kha 'gram du bzhugs chibs grog po'i nang du lhungs kyang skyon med par rdo la rmig rjes bzhag pa sogs ngo mtshar rmad du byung ba'i rdzu 'phrul bstan/ rmu gshong du bskang bshags tshogs mchod rgya cher mdzad pas dam can dgyes pa'i 'dzum zhal lhug par bstan/ dpal ldan grang mo cher re zhig gi bar stan chags nas chos kyi 'khor lo ji snyed cig bskor/ shing pho 'brug lo rje btsun sgo rum pa chen po dpa' bo'i tshogs dpon du mkha' la spyod pa'i gnas su gshegs pa gsan pas rings stabs su phebs/ dpal ldan bla ma dam pa'i gdung yid bzhin gyi nor bu he ru kaHzhal brgyad pa'i ngo bor gyur par phyi nang gsang ba de kho na nyid kyi mchod pa rgya cher mdzad cing rjes sor me mchod kyi phyag phyi yang mdzad par snang / 'jam dbyangs mkhyen brtse'i zhabs la da nga yang ci 'dra byed mi shes gser chos dmar po skor gsum dang mgon po che chung sogs yongs rdzogs thob pa dang tshul ldan shes pa ye mi bdog pas ma 'gyangs par gsan pa 'gab ces bslab bya mdzad par brten rje sgo rum