[A:562]gsungs so/ /gang thugs dag pa'i btsun mo lte 'og nang / /a shad gtum mo yongs 'bar phyi rol tu/ /chu dang rlabs bzhin so sor gzigs pa'i tshe/ /nyer bzhi'i yul nas 'tshol rnams smin rgyur snyeg /khyab bdag bla ma'i rnam 'phrul legs bris bu/ /yid 'phrog ri bong 'dzin ltar dkar ba gnyis/ /chu 'khur dbus na nyer gleng byang chen bar/ /thang lhod med pa'i thugs rje'i brda thabs tsam/ /dwags brgyud me lha'i mngal du ma bzod pa/ /mar lo'i thugs bcud lha chen dngas ma'i khams/ /rngog ston ganggA las skyugs mgon khyod kyi/ /blo gros smin tshal skyed bsrings gdong drug lha/ /'dod khams dbang mo bran bkol mthu stobs mdas/ /log 'dren snying ga phug pa'i khrag dron skom/ /ma rgyud dregs tshogs kyis btungs rkan sgra yis/ /gnam lcags 'bar ba'i thog kyang ming du zad/ /gsol 'debs las/ dri med mkha' dbyings 'ja' gur bzhad pa'i dbus/ /ayon mkhan pos mdzes sku gsal bar bstan/ /'khrul zhig bla ma'i dbu gtsug mkha' ngos su/ /dpa' bo rta mgrin gzigs la gsol ba 'debs/ /'dar stod dgon pa chos 'khor yang rtse yi/ khri la zhabs bkod slob bshad bstan pa spel/ /rnam par rgyal ba'i yang rtser chos skyong sku/ /bzhengs shing dge legs mdzad la gsol ba 'debs/ /zhes dbus phyogs su lo gnyis la nye bar bzhugs nas lcags byi'i mjug gtsang la chibs kha bsgyur/ stag gru kha'i khad nyer phebs pa na nam mkha' la spyan hur gyis gzigs nas chibs sna 'khrid mkhan la khyod kyis ci mthong gsungs par bltas tsa na