[A:561]gtam zur tsam las zhib pa yig rgyun dang gsung bgros tshor mi gsal/ zla ba brgyad dgu tsam nas slar yang rngog thar pa gling du phebs sku dgra de la'ang rtags mtshan yod pa'i 'go tshugs pa sogs nas rngog ston chen po thugs lhag par dgyes nas rngog dkyil bdun la sogs pa'i rngog lugs kyi chos skor rnams gnang ba'i rjes su/ brgyud pa 'di pa rang gi srol la lha mo gsang sgrub rjes gnang 'di rngog pa'i bstan pa zin nges shig la byed pa'i lugs yin gsungs nas gsang sgrub kyi rjes gnang cho ga shig tu rgyas pa'i sgo nas bka' drin chen pos gnang / de dus kyang lha mo dngos su gtad pa tsam gyi nges shes dang yid ches pa byung / gong gi mngon spyod kyi ltas byung ba'i rjes nub mang po'i bar du sdig pa dag pa'i rmis ltas ches che ba ji snyed cig byung bas lam thams cad kyi nang nas lam zab mo bla ma'i rnal 'byor 'di ga zab pa la nges shes khyad par me 'bar ba la shing bsnan pa lta bur gyur to/ /zhes gsungs pa spang rtogs mthon por slebs pa'i rigs tshor bla mar sri zhu dang byin rlabs 'jug pa gnyis ka shugs kyis 'byung na'ang phyi rabs kyi rjes 'jug rnams la rdo rje slob dpon gyi zhabs tog la 'bad na phan yon chen po 'byung ba rtogs pa'i ched du dgongs te gsungs par snang ngo / /snga phyi mang por bla ma yi dam chos srung gi zhal gzigs pas thams cad mkhyen pa mkhyen brtse'i zhabs kyis/ ayon padma dus dgra ma he'i zhal/ /rdo rje btsun mo yang gsang khros pa sogs/ /lha mchog du ma dngos su zhal gzigs nas/ /lung bstan gnang ba thob la gsol ba 'debs/ /zhes