[A:560]pa yin/ /thub bstan rin chen sgor zhugs nas/ /dam chos bdud rtsi nos pa yi/ /spyir ni yongs 'dzin bcu phrag bzhi/ /zung gnyis dag gis lhag par bzhugs/ /khyad par tshe rabs dpag med nas/ /rjes su bzung ba'i 'dren pa mchog /tshe 'dir rang sems lhan skyes 'di/ /skye med chos skur ngo sprod cing / /zab mo dbang bzhi'i chu bo'i rgyun/ /bum pa gang byor gnang ba yi/ /bka' drin mnyam med rdo ring pa/ /'gran zla kun dang bral ba yin/ /nyams len gdams pa'i gtso bo ni/ /rgyal yum bdag med mkha' 'gro la/ /paN grub dbang po bi rlu pas/ /nos pa nas bzung da lta'i bar/ /rtsa ba'i bla ma yan chod du/ /dbang bzhi'i chu bo ma nub pa'i/ /bla ma'i gsung ngag bdud rtsi'i rgyun/ /tshad ma bzhi ldan dbang bzhi'i lam/ /rdo rje theg pa'i snying po yin/ /yang snying zab mo bla ma'i lam/ /rang sems bla ma phyag rgya che/ /yengs pa med par sgom pa yin/ /phyi ma'i gang 'gro da lta med/ /sgyu ma'i skyas chen 'degs pa'i tshe/ /kho bo'i bla ma slu med de/ /mdun gyi nam mkhar 'byon snyam yod/ /bde chen thugs kyi dkyil 'khor dang / /rang sems stong pa spros bral gnyis/ /dbyer med bsres nas lhug par 'jog /gang ltar song yang 'gyod pa med/ /ces gsungs pa'i lha'i bu gnyis kyang rje btsun rdo ring pa chen po'i rnam sprul du nges/ yang skabs shin tu lha'i bu gzugs dang lang tsho kha dog phun sum tshogs pa zhig gis rin po che'i bum pa bdud rtsis gang ba phyag tu phul ba ljags thog tu gsol bas ro brgya phrag bro ba byung zhing / klu'i rgyal pos yid bzhin gyi nor bu phul ba'i