[A:555]gsal bar thugs shin tu mnyes pa'i sgo nas phyag thugs kar thal mo sbyar te rjes su yi rang dang bsngags pa rgya chen po mdzad/ bla ma dam pa 'di nyid kyang thugs dad shugs drag po'i rkyen gyis spyan chab 'khrug pa sogs phan tshun 'bral mi phod pa lta bu'i thugs yid gcig 'dres su gyur/ de nas mi 'gyangs par dpal 'dam bu byin gyi chos grwa dang sna nam rdo rje bdud 'joms kyi rnam sprul thu btsun kun dga' rnam rgyal gyi gdan sa gong dkar rdo rje gdan du phebs te/ smin grol lung man ngag sogs zab rgyas chos kyi sgo 'phar phye nas gdul bya rnams bzang po'i skal ba can du bkri bar mdzad/ thub bstan dge tshogs 'phel nas thos bsam 'bras/ /yul ljongs skyed tshal bar gyi zlos gar gtam/ /bcad lhug spel legs nyams 'gyur dbyangs can ma/ /mgrin par byon nas gsungs kyang de las ci/ /sa skya'i ring lugs mthor brtsegs kha ba'i rir/ /kar mtshan na bun 'khrigs pa'i bshes gnyen dang / /thugs yid 'dres pa'i mdza' bcings zhags pa de/ /'brom ston nag tsho'i rnam thar gnyis pa bzhin/ /'phags bod gzhung brgya smra ba'i chos grags dang / /nges gsang theg pa mchog gi sde chen por/ /skal bzang skye rgu'i bung ba tshim byed pa'i/ /bshes gnyen pad dkar 'dab stong deng 'dir 'dzum/ /gsol 'debs las/ bde ba mchog gi pho brang srin po rir/ /slar yang rdo rje btsun mo'i rnam sprul gzigs/ /mkha' spyod dga' ma'i mdzes sku snyan grags can/ /rtsol med thugs rjes mjal la gsol ba 'debs/ /chu