[A:553]dpal sa skya'i bla chen gdams pa des/ /rgyud yongs su tshim pas gzhan mi smod/ /dus da lta'i sa brdzus kyi bande tsho/ /chos 'di 'dra'i skal bzang ma thos pas/ /sems chos brgyad ltogs 'dod kyi rgyug 'bral gyis/ /yul gar 'gro dang 'dir 'gro med snying re rje/ /rje drin can gyi bla ma rdo ring pa/ /khyed bsams bzhin du bka' drin 'khor thabs med/ /sprang rang mgo thon pa bla ma'i drin/ /de dran pa'i mod la mchi ma bku/ /nga phyogs med kyi dad pa mkha' ltar yangs/ /sgos karma pa la snying nas dad / /khyed chos brgyad ltogs 'dod don gnyer tsho'i/ /gnas tshul nas smras pa bzod par gsol/ /zhes pa sde srid rin spungs pa dang mchod yon gyi dbang gis skyed tshal ba rnams mi chos kyi mthun 'jug 'os 'tshams las dang dod lugs gang sa nas dgos don med pa'i pher rgya la thugs khrel ba med par snang / rje 'di nyid dpon slob lnga tsam dbu zhwa dmar po dang nyid kyis sku gzan ser po bzhes te skyed tshal seng g.yabs nas gzigs rtog mdzad pa rje btsun bod mkhar ba dgung lo nyi shu rtsa lnga tsam 'gro ba'i tshogs su bzhugs pa des gzigs ma thag thugs dad shin tu che bar 'khrungs te de nyin brang khang du gdan drangs rnyed bkur cher bstab/ chos 'brel gyi thog mar zhal gdong brnyan can gyi rjes gnang gsan zhal slob kyi khrod nas mngon spyod kyi las sbyor yongs su rdzogs pa la brten te khra ma nas rtsa brlag tu btang ba sogs drag las la bka' babs shin tu che ba yong ba'i