[A:531]bla ma gcig tu mdzad/ 'di'i skabs lha rigs 'a zha'i sa skyong bar byang gtsang gi phugs su bdag po sngags 'chang pa'i mi srun sgyu 'phrul gyi 'khor lo ma 'khor ba'i mnga' thang sgang la rgyab pa nas rje sgo rum par zhabs tog shin tu che ba'i gzi brjid kyi nyi 'od blo chung me khyer rnams kyis ma bzod pa'i rigs su snang / lam yig las/ de nas rdzi lung du zhag gcig bsdad/ sang nyid dge sdings na dpal sa skya'i chos kyis mngon par mtho ba'i khri la bzhugs pa/ bdag chen rin po che khri thog pa'i drung bzhugs pa dang mjal/ de snga nas dpon slob 'dris pa lta bu'i nang gtsang zhing thugs 'gol bas bka' lung bag phebs par gnang / nged rnams la bdag chen thams cad mkhyen pa chen pos mdzad pa'i bla ma mchod chog rgyas bsdus kyi lung / de dang rjes su 'brel ba'i bla ma'i rnal 'byor 'dod zhus ltar bka' drin bskyangs/ sku na phra mo de lta bu la 'di 'dra'i lugs kyi gnang skyong dang ngo mtshar ba 'ong ba nges par 'jam pa'i dbyangs kyi rnam 'phrul yin pa la the tshom mi za ba 'dug snyam pa'i dad mos dang / sa skya pa'i rmongs zhen gyis blo bde ba tshad med pa byung / byin rlabs kyi rten gnang sbyin sogs yang dag thugs rjes bzung zhes byung / gsol 'debs las/ khro phu dga' ldan byams pa'i bsti gnas su/ /rdo rje btsun mo'i sprul pas lung bstan zhing / /DA ka'i sku la shel dkar myu gu ltar/ /gsal ba'i 'od snang gzigs la gsol ba 'debs/ /zhes pa ltar lam yig las/ de'i nub khro phur phyin 'du khang chen po zhig 'dug pa der sdod sa byas/ nged