[A:337]nye 'brel thams cad blos btang 'jig rten bya ba 'grub par dka' la rnog chung ba thams cad kyang rgyang du bskyur nas/ khrid grol ma thag nyid kyi drung du rab tu byung zhing tshangs spyod kyi brtul zhugs lhur len pa lo re bzhin yang bcu phrag gnyis tsam re star chags kyis 'byung bas/ kun dga' dang / legs pa dang / blo gros las gras te ming btags pa kho na yang grangs las 'das pa zhig yod la de dag kyang lto gos kyis rab tu byung ba tsam ma yin pas/ lo gsum phyogs gsum gyi dam bca' la gnas pas 'dag sbyar chu bug sgo la bzhugs pa drug cu bdun cu tsam khor yug tu byung zhing lo gsum phyogs gsum gyi dam bca' mthar phyin pa'i sgrub chen pho mo dbyar mtshams dgun mtshams 'chag med mdzad pa brgya phrag gsum tsam rgyun ma chad par byung bas/ bstan pa rin po che'i snying po sgrub brgyud kyi bstan pa ches cher gsal zhing rgya cher dar bar mdzad pa yin no/ /e ma nges don chos kyi sgra dbyangs mchog /lan brgyar bsgrags nas grangs med gdul bya rnams/ /nges par grub pa'i sa la 'god mdzad khyod/ /bsams bzhin snying gi dkyil nas lhag par dran/ /snyigs ma'i dus 'dir zab lam ches nyams pa/ /gso bar mdzad la ngal ba ma mchis pas/ /nges don mnga' bdag kun mkhyen jo nang pa/ /bsams bzhin zhing 'dir slar yang byon pa snyam/ /dmigs bcas stong nyid mkha' dbyings las 'ongs pa'i/ /dmigs med snying rje rgyas pa'i 'od phreng gis/ /rtog sgom mun pa mtha' dag drung 'byin na/ /rnam