[A:338]rtog ku mud zum la the tshom ci/ /a ho dam pa'i zhal bzang zla dbang las/ /legs 'ong gdams pa'i 'od dkar gyis myos pas/ /snying gi ze 'bru bzhad ldan kunda'i tshogs/ /de dag grub gnyis ston ka'i dpal gyis 'khyud/ /da dus ljongs der 'khor ba'i mi lus las/ /de dus phyogs de'i dud 'gro skal ba bzang / /snyigs dus 'di la'ang mchog gi bla ma dang / /mjal dus ngo mtshar ltas mo ji snyed mthong / /mthong bzhin mthong bya bral ba'i stong nyid gzugs/ /gzugs med gzugs bzang rdul bral sna tshogs snang / /snang bzhin snang bas stong pa'i 'od gsal dbyings/ /dbyings de dbyings las ma g.yos bzhin du mthong / /kwa ye shes ldan khyed rnams tshur nyon dang / /dang po'i sangs rgyas bzhed pa ji lta'i don/ /don bzhin ston mkhas bcu gnyis pa yi bdag /bdag gi bla ma 'di las gzhan su yod/ /gzhan yang der bzhugs pa'i tshe/ rje btsun dbon rin po che sku gzhon nur gyur pa zhig dang / yongs kyi dge ba'i bshes gnyen chen po bsing bshong mkhan po bkra shis seng ge ba la sogs pa'i dge ba'i bshes gnyen du ma la/ kye rdo rje bka' babs bzhi/ gur sam/ bde mchog lo nag dril gsum/ gsang ba 'dus pa lugs gsum la sogs pa'i dbang mang po/ sgrub thabs brgya rtsa dang rgya mtsho la sogs pa'i rjes gnang mang po/ rje btsun sa skya pa gong ma lnga'i bka' 'bum la sogs pa lung gi tshogs rab tu mang po nyin mtshan bar ma chad par gsung kye rdo rje drag po gdan can gyi dbang mdzad pa'i tshe sgrub chen ma bgres mo zhig la nam mkha'i kha dog dris pa na/ dkyil 'khor gyi dbus pha gi na lha nag po dbu dang