[A:256]bas bla ma 'di brgyud pa dang bcas pa la dpal sgo rum pa zhes nyi zla ltar grags pa yin no/ /rab 'byams rgyal ba kun dngos nag po che'i/ /thugs kyi gsang ba kun la dbang sgyur slad/ /'di dag srung ma 'di dang dbyer med ces/ /rten gyi ming ni brten pa la grags gyur/ /bla ma de'i dbon po mkhan po kun dga' grub pa/ de nas rim bzhin slob dpon dbon po kun dga' rin chen/ mkhan po dpal ldan seng ge /'gro mgon blo gros dpal ba/ bla ma nam mkha' dpal bzang / chos rje rin chen bzang po'i bar du byon pa de dag kyang tshul khrims rnam par dag pas rgyud mdzes shing / lung dang rigs pa mtha' dag la sbyangs pa/ lhag par rje btsun sa skya pa yab sras nas brgyud pa'i rgyud dang gdams ngag ma lus pa la dbang 'byor pa/ rim pa gnyis la brtan pa thob cing nag po chen po bran bzhin du 'khol bar nus pa/ bstan pa rin po che la lhag par bya ba byas pa sha stag byon pa yin la/ chos rje rin chen bzang po la dbon po gsum byon pa'i che ba chos rje sangs rgyas rgyal mtshan pa ste/ 'di gzhon nu la rab tu byung / theg chen chos kyi rgyal po dang ta'i gu shri yon tan rgya mtsho la sogs pa dam pa du ma bsten nas/ spyir mdo sngags mtha' dag dang / khyad par rgyud gsum man ngag dang bcas pa la mkhas par sbyangs/ chos kyi rgyal pos lha khang bla brang gi gur gyi sgrub mchod kyi rdo rje slob dpon du mnga' gsol nas/ gur gar la sogs pa chos rje bla ma dam pa'i bzhed pa rma med pa rnams shin tu rgyas par mdzad pa sogs bstan pa dang sems can gyi don rgya cher mdzad/ nag po chen po bran du 'khol bas tshig tsam gyis 'phrin las 'grub pa yin te/ te ra ba zhes bya bas dmag rogs mang po dang bcas te dpal lung pa rnams 'joms par rtsom pa na/ dpal lung pa rnams kyang 'thab pa la chas pa rje