[A:326]no snyam du sems pa'i lha rnams kyis/ nam mkha' kha dog sna lnga pa 'ja' tshon gyi gur rnam par bkra ba zhig rje btsun 'di'i dbu thog tu phub/ 'ja' dkar po dar brkyang pa lta bu dang / pa tra ltar 'khyil ba dang / ljon shing ltar gyes pa mang po ni phyogs du ma nas gdugs de'i nye 'khor du 'dus pa bzhin du byas te/ dam pa 'di lta bu'i zhabs kyi rdul gyis reg pa skal pa bzang por gyur pa'i gru bo che de chu gter gyi pha mthar ji ltar bgrod pa bzhin/ 'ja'i tshogs de dag kyang nye bar 'gro bzhin pas/ mthar gzims gur du phebs pa na gur de'i steng na gsal zhing mdzes par gnas te re zhig nas de nyid du mi snang bar gyur pas/ gzhi byes kyi skye bo thams cad mi phyed pa'i dad pa la bkod de/ kha cig ni phyag 'tshal kha cig ni mchi ma'i char dang bcas pa'i gdung shugs kyis gsol ba 'debs/ kha cig ni skor ba byed/ rgan po kha cig ni a la la 'di 'dra ba'i ngo mtshar/ /sngon chad byung ba'i skor dpon 'di dang 'di snyed cig su la'ang byung ba ma mthong zhing ma thos pas/ da bar ma shi ba'ang bsod nams che'o zhes don dang ldan pa'i gtam gyis dus 'da' bar byed do zhes thos te/ bcu gsum rdo rje 'dzin pa'i gtso bo khyod/ /khams gsum sems can don la chas pa'i tshe/ /skabs gsum lha rnams dga' mgu yi rangs nas/ /dus gsum khegs pa'i mchod pa 'di ltar byas/ /de mthong dad pas brlan pa'i lus can kun/ /kun mkhyen sa bon skyon med 'debs la brtson/ /brtson pa don yod 'di yis ches myur du/ /du ma'i sems can sgrol bar the tshom med/ /med bzhin sgro btags stong 'ur sna tshogs dang / /dang po'i lha yis byin rlabs de rnams kyi/ /gyi na'i spyod pas rang gzhan bslu byaid dag /mthong tshe bslu med bla ma snying