[A:325]mi 'gyur zhing / /zhing 'dir sa bon btab pa smin pa'i 'bras/ /'bras bzang rdo rje 'dzin las gzhan min na/ /na rga tsam zhig sel la ngo mtshar ci/ /de ltar na rang gi don spangs pa dang rtogs pa'i yon tan thams cad ni mthar phyin/ gzhan rjes su 'dzin pa'i thabs rgya chen po la ni mnga' brnyes/ snyigs dus kyi sems can bdag cag la sogs pa/ rgyal ba gzhan gyis ma thul ba'i rmu rgod mgon med pa rnams kyi dpal du ni chas pa bzhin/ ma nyams pa'i grags pa mchog gis 'dzin ma'i khyon thams cad bdag gir mdzad de/ gtso bor gdan sa chen po dang / dpal lung dgon pa gnyis su gdan chags shing / gdul bar 'os pa'i skye bo gang dag gang na yod pa der rgyu zhing / gzhan gyi don ngal ba med pa lhug par mdzad de/ dgung lo bco brgyad pa la dpa' lung dgon par skye bo'i tshogs grangs las 'das pa la 'phags pa zhal bcu gcig pa la brten pa'i smyung gnas shig mdzad pa de nas bzung ste lo mang por smyung gnas la brten nas sdig sgrib sbyangs shing / thar pa'i sa bon skyon med pa thebs par mdzad/ dgung lo nyer gnyis bzhes pa sa pho rta'i lo la dpal sa skya'i skor chen gyi gtso bo mdzad de/ dpal gyi lha sar rim gyis byon te/ gtsang stod kyi che bar rloms pa mang pos gtsos pa'i dad pa can khri khrag du ma dang lhan cig tu dpal chu bo rir phebs skye bo byings snga nyin chu phud bdag cag gi bla ma dam pa 'di dpon slob drag bsdus shig gru bo che la spyan drangs na/ skor ba pa rnams kyis sngar 'khyud bzhin gdugs dang ba dan dang / spos kyi sprin 'khrigs pa dang / rol mo du ma dang bcas pa'i bsu ba'i bkod pa bshams pa'i tshe/ skyes bu chen po 'di lta bu la/ mi rnams kyi mchod pa kho nas chog pa ma yin