[A:319]lam g.yeng ba btang snyoms lus/ /dug gsum g.yul du 'joms par dpa' ba khyod/ /sa gsum 'byung po 'dul ba snying las bral/ /srid gsum 'joms pa rdo rje'i mda' bo che/ /khams gsum 'di nas bzlog nus su zhig yod/ /des mtshon nas gtor ma drag po sogs nam mdzad kyang bla 'khyams kyi skad ya nga ba byung ba dang gtor ma'i khrod nas me chen po 'phro ba sogs thams cad mthong zhing thos par 'byung ba/ jo nang du bzhugs pa'i tshe ma rabs shig gis mgon g.yag brkus pa na rkun po de'i bu gcig po shin tu gces pa zhig yod pa de ma thag mes rgyu lto 'tshig nas shi ba dang / bde chen du bzhugs pa'i tshe bde gzar gyi 'khrug long zhig gi skabs lha rtse zhol ba'i skyas bde chen bla brang du byas pa rnams 'don pa yin zer ma rungs ba kha cig gis bla brang la 'tshang ba sogs spyi mchod dma' 'bebs pa'i bya ba mang po byas pa'i tshe/ 'di tsam yang bstan pa dang sems can la gnod par dgongs nas dus gtor zhig gi tshe/ bskang gtor zhig de phyogs la rtse ston la zhog gsung / rje nyid dril bsil ngang nas las mgon gyi bskul zhig mdzad kyi 'dug pa/ de nas ha cang mi ring ba na nyams pa de rdo rje mi bskyod pa'i zhing du song zhes thos te/ dam can rnams bran du 'khol ba'i rnam thar bsam gyis mi khyab pa zhig yod mod/ thams cad bri bar ma nus shing / 'ga' zhig 'og nas kyang ston par 'gyur ro/ /thugs dam gtor ma la sogs pa'ang srung ma rnams kyis dngos su len par snang ste/ thengs shig bo dong er sku mtshams la bzhugs bzhin pa'i ngang las sbyin bdag chen pos rdzong du spyan drangs pa'i tshe nam la