[A:313] khyod kyis mun nag la mi mthong ba de sbyor drug ma bsgoms pa'i la yogs yin mod gsung / mgo la thal lcag gcig skyon byung bas/ lus sems thams cad zhig pa 'dra ba'i skyi bung ba zhig byung / 'dis mtshon 'od gsal la mnga' brnyes lkog gyur thams cad gsal bar gzigs pa du ma zhig gnang ngo / /skabs shig drung chen ser po bas/ gsol ba'i dus zhal 'phros cher ma zhus pas/ zhag 'ga' na khyed deng sang nga la khros yod pa lags sam zhal 'phros kyang ye mi mdzad pa gda' ba gsung / rtab rtab por gyur nas thugs dam la sad byung dogs zhu ma nus pa lags zhus pas/ go lags/ sems dpa' chen po dkon rgyan gyi gsung nas/ byas tshad dge sbyor du 'gro ba zhig ma gtogs thun dang thun mtshams kyi nges pa med pa zhig byed dgos gsung ba yin par gda' gsung ste/ de kho na mnga' bar zhal gyis bzhes pa yin no/ /lus dkyil gsal 'debs tshul gyi 'phros shig la ye shes pa bcug pa'i tshe lus sems la bde ba khyad par can zhig skyed/ des rkyen byas gsal 'debs pa yin/ nga rang la ni de ltar yong gi yod/ gzhan rnams la ji ltar yod dam zhes dang / lam dus kyi dbang blang ba na dbang gi chu rgyun gyis smin mtshams yan chad gang bar bsgoms pa'i tshe der bde stong gi nyams bzang po 'byung / de bzhin du gnas so sor 'byung gsung ste/ mtshon byed dpe'i ye shes la brten nas mtshon bya don gyi ye shes nyin re la yang grangs med pa zhig thugs nyams su myong ba yin no/ /yang bdag byis pa lo dgu tsam 'gro ba'i dus bo dong bla brang gi bla ma lha khang du gtor sgrub mdzad pa'i gtor 'bul