[A:312]'gro ba dang / chab grang mo la chab zhugs mdzad pa na skad cig la chu de las rlangs pa thol gyis 'byung zhing / grang ba'i reg bya mi bzod pa lta bu de nyams 'gro'i 'dug pa sogs ni bdag cag la sogs pa sku 'khor thams cad kyis mthun grub tu byung / srod la lung gnang ba phal cher mar mes mig la gnod kyi 'dug pas phyir ston la zhog gsung / sku ngos la grib ma yong ba byas pa de'i ngang nas lung mdzad pa dang / phal cher mun khang kho nar bzhugs la sbyin bdag chen pos sku mdun du mar me khor yug tu 'bul na'ang sgrib yol 'thug po zhig mdzad de/ rten rnams la snang ba 'char la gzhan thams cad mun par 'byung ba der gzhan dag gis mar me sogs ma khyer bar bgrod kyang mi thug pa der phyag dpe khor yug tu gzigs shing / dngos po phra mo tshun chod gzigs pa la/ drung chen ser po bas/ 'di 'dra ba la phyag dpe gzigs kyi gda' lags sam zhus pas/ rje dpal ldan bla mas nam nag la phyag bris mdzad pa las/ khams pa zhig gi drung nas phyag ris byang drags pas rgyus kyis yod pa lags sam zhus pas/ 'am bu la 'od gsal gyi snang ba zla ba shar ba lta bu re rgyun du yod gsung ba yin par gda'/ gsung ba las gzhan mi gsung / bdag gis zhu cha zhig 'bul bar phyin nas phyag dpe zhig khrog khrog mdzad kyi 'dug /phyag btsal te byin rlabs zhu ba la phyogs slad nas ga le gyang la 'ju zhing phyin pas gang yin gsung byin rlabs gnang byung / bdag gis ni bzhugs sa yang mi rnyed par 'dug /zhabs drung rin po ches phyag dpe yang gzigs kyi yod pa 'dra zhus pas/ los mthong mun khang re re las mthangs dkar ba gda'/