[A:311]mthong ba la dpags na/ /sgrib bral 'ga' yis rdo rje shugs nyid du/ /sgrib med gzigs la the tshom ci zhig yod/ /sgrib gnyis 'joms la dpa' khyod bsam bzhin dran/ /snga mo'i dus skyid sbug bla brang na bzhugs pa'i tshe nye gnas khams pa kun dga' blo gros kyis snga mo zhig sku drung du phyin pa na gzims mal na rje nyid mi bzhugs par 'dug /cung zad der bsdad pa na je zhig na bzhugs sa der dpal mgon stobs 'phrog dbang po bram ze'i gzugs shig lam me bzhugs 'dug pa nas dga' ba dang skrag pa mnyam du byung / phyag gcig phul nas phyir 'gro bar brtsams pa na bram gzugs des rlung zhig bus byung ma thag rje nyid kyi skur bstan nas zhal 'dzum mdzad de gang dgos pa yin gsung bka' lung stsal ba na/ mchi ma 'khrug pa'i dad pa skyes zhes rje nyid la zhus 'dug pa dang / grub pa'i 'khor lo sgyur ba lce ston paN chen rin po ches nag po chen po'i man ngag me 'bar ma'i lung gsan pa'i tshe zhag kha yar lung nam gnang ba'i tshe dpal nag po chen po nyid du snang zhing / zhal 'phros sogs mdzad pa na da lta'i sku'i rnam par gzigs pas/ phyis su'ang mkhan rin po che gur mgon dngos yin gsung / gus pa'i thal mo sbyor ba lhur mdzad pa mthong zhing thos la/ 'dis mtshon nas las dag pa'i slob ma mang pos gzigs tshul du ma zhig yod mod thams cad bri bar mi nus so/ /rdzogs rim zab mo'i mtha' klong du gyur pas dgun kha ba bol nub tsam babs pa na'ang rje nyid gang du bzhugs pa'i gzims khang gi steng du kha ba cung zad kyang gnas mi thub par zhu