[A:310]zhig skyes nas gsol ba btab pa zhig yod pa 'di bris gsung / zhal gzigs pa lags sam/ sku'i rnam 'gyur sogs ji ltar 'dug ces nan gyis zhus pas/ zhal gzigs rang zer rgyu mi gda'/ sku'i rnam pa ni kun mkhyen chen po jo nang pas gzigs pa de ga ji lta ba yin/ gang na'ang bstod pa 'di byin rlabs can cig yin gsung / de'i sbyar byang du/ zhes 'di rang gi kha ton du/ /ring mo zhig nas sbyar ba las/ /slar yang mkhyen brtse dbang phyug gis/ nye bar bskul nas bris pa'o/ /gsung ba mdzad de/ slob dpon chen po dang yang dngos su mjal bar snang la/ jo nang kun spangs chen po dang dngos su mjal nas zab lam yan lag drug pa'i gnad mang po zhig gsan pa yin no zhes gleng ba yang thos so/ /gzhan yang bskyed rim la brtan pa thob pas dbang sogs mdzad pa'i tshe dkyil 'khor gyi gtso bo gang yin de'i sku mdog dang mthun pa'i sku mdangs su snang ba phal gyis mthong ba byung / bo dong rdzong du dus 'khor gyi cho ga dbang gnang ba'i bgegs skrod kyi skabs su zhal ras mthing shun gyi mdog lta bu la mig gis lta bar mi bzod pa'i zil mnga' ba/ nged cag mi drug gis bsnyon med du mthong zhing der 'khod pa thams cad shes pa 'ur nas phal cher sa 'phags gnam 'phags la song / dbang grol nas 'di bzhin gda' zhus pas rdo rje shugs dngos yin snyam pa'i nga rgyal brtan po ni bdog gsung / 'jigs dus bskal pa'i me ltar 'bar ba yis/ /'jigs rung khro bo'i dbang por bzhengs pa'i gar/ /'jigs pa'i bdud bzhi 'joms la chas pa bzhin/ /'jigs pa'ang 'jigs par byed pa'i zhal bzang mchog /sgrib ldan bdag ltas