[A:290]'gro ba lta bu'i zug rngu dang bcas pa'i ser ma langs yong zhing 'dug na'ang / mi 'chi tsam yong ngam shi na yang bzod/ 'dul ba'i bslab bya khyad bsad na mi yong ngam snyam/ nyi ma phyed yol phan chad thug pa re tsam yang 'thung ba ma byas zhes gsung la/ /mdor na mang du smos pas ci zhig bya/ nyid kyi sku srog la bab kyang phyi dro'i kha zas phra mo tsam mi bzhes par srung sdom mdzad na pham pa dang / dge 'dun lhag ma dang / sbom po la sogs pa'i nyes pas tshul khrims kyi phung po la gos pa'i skabs ga la yod / shin tu btang dka'i sku srog yal bor na/ /rnyog bral tshul khrims bsrung la ngo mtshar ci/ /nyon mongs g.yul las rgyal ba'i dpa' bo rnams/ /tshul 'dis bdud sde 'dul ba chos nyid yin/ /phyis sku tshe'i mjug la bskyed rdzogs kyi thugs dam zab mo'i nyams bzhes gtso bor mdzad pas/ nyi ma phyed yol kyang thugs dam gyi rim pa rnams ma grol gyi bar du gdan bzhes mi mdzad par nyan thos dang thun mong ba'i phyi dro'i kha zas spong ba sogs btang snyoms su mdzad pa ni/ dus kyi 'khor lo las/ gdul bya'i skye bo nges pa dang bral ba zhes gsungs pa'i don/ nyan thos dang rang rgyal gyi bslab pa la mtha' gcig tu zhen pa dang bral ba la bshad cing / de'i rgyu mtshan yang rdo rje theg pa'i lam nyams su len pa'i grogs su 'gro na nyan thos kyi theg pa las bkag pa rnams kyang the tshom dang rtag pa med par spyod dgos pa yin la/ des na bdag gi bla ma dam pa 'di ni shin tu 'phangs pa'i sku srog las nyan thos dang thun mong gi so thar bslab pa gces par bsrung zhing / de las kyang rdo rje theg pa'i rnal 'byor rnams ches