[A:269]zur bka'/ phyi sgrub kyi man ngag gi yi ge'i tshogs bskang ba rnam dag tshogs gtor ma yan dkar chag nang bzhin gsan la/ de dag gi don thams cad kyang thugs su chud par mdzad pa yin no/ /de ltar na bdag chen rdo rje 'chang chen po nyid kyi thugs brtse bas yang nas yang du rjes su bzung zhing / man ngag gi snying por gyur pa de tsam zhig gnang ba'i mthar chos kyi dbyings su snyoms par zhugs pa'i tshul bstan pa la brten nas lugs 'di'i man ngag gi gnad sa skya tshad kyi mkhas grub 'ur rgyangs can rnams kyi mig dang rna ba'i lam du ma 'ongs pa du ma zhig yod pa de dag gsan par bzhed nas chos kyi rgyal po de'i rgyal tshab gcig pu mkhas pa dang grub pa'i 'khor lo sgyur ba chen po sa'i steng na 'gran pa'i zla thams cad dang bral ba'i rje btsun rdo ring pa chen po kun bzang chos kyi nyi ma blo ldan shes rab kun dga' rgyal mtshan dpal bzang po'i zhal snga nas zhes mtshan tsam thos pas kyang srid zhi'i rgud pa 'phrog pa la gcig tu dpa' ba de'i zhabs la gtugs te/ gsung ngag rin po che lam 'bras bu dang bcas pa'i gdams pa nyams khrid du yongs su rdzogs pa/ lam zab phyi nang bir bsrung thun mong dang thun mong ma yin pa la sogs pa'i dbang / byin rlabs lam bsdus te sgrub pa'i lung byin pa'i bar yongs su rdzogs pa/ de dag gi yi ge rnams ma tshang ba med pa/ lam skor phyi ma brgyad dang bcas pa dang / rje btsun rdo rje rnal 'byor ma nA ro mkha' spyod kyi byin rlabs/ de'i man ngag rdzogs pa/ rdo rje 'chang kun dga' bzang po'i bka' 'bum pod bzhi mar grags pa yongs su rdzogs pa/ bdag chen rdo rje 'chang chen po'i bka' 'bum phal che ba'i lung / rdo rje nag po chen po