[A:393]pa'i dge 'dun brgya phrag tu longs pa'i rgyun/ thugs kyi rten dpal sbug rnam par grol ba'i ri khrod du 'chag med bzhi thun bzhir nyams su len pa'i rdo rje 'dzin pa lo re bzhin yang bdun las mi nyung ba'i mtshams zla ba drug ma byed mkhan gyi rgyun/ bshad sgrub kyi bya ba byed po de dag gi 'tsho ba'i yo byad gnas mal/ bud shing tshun ma tshang ba med par bsgrubs shing bsgrub la/ sgrub par 'gyur ba dang bcas pa 'di thams cad kyi bdag rkyen/ bsod nams bye ba'i dpal gyis legs par bskrun pa'i dad pa'i rtsa ba rab tu brtan zhing / ngo tsha dang khrel yod pa dang gtong phod pa la sogs pa 'phags pa'i nor bzang po'i dpal 'bar ba/ chab srid nges pas skyong ba sogs sngon gyi khrims lugs bzang po lhur mdzad pa'i rgyal rigs sA la chen po 'a zhwa bsod nams rab brtan dpal bzang po yab yum sras dang bcas pa'i dad gus kyi bsam sbyor phun sum tshogs pas legs par bsgrubs shing / tshul 'di dang 'di dag 'os so zhes dus su 'doms par mdzad pa po ni bdag cag gi bla ma lha dang bcas pa'i 'jig rten pa thams cad kyi skyabs/ mkhan chen thams cad mkhyen pa chen po'i zhal snga nas kyi zhabs yin la/ 'chad nyan la sogs pa'i khur cung zad bla ma dam pa de'i sku drin gsob par 'dod pa'i bka' 'bangs thams cad kyi tha ma'i yang tha mar gyur pa bdag gis khyer te/ mdor na 'dzin ma'i khyon 'dir spyir 'khrul pa'i dri ma thams cad dang bral zhing bstan pa'i bdag po zla med pa rje btsun sa skya pa'i bstan pa rin po che dang / de'i snying po las kyang ches snying por gyur pa/ bdag