[A:394]chen rdo rje 'chang chen po blo gros rgyal mtshan dpal bzang po yab sras kyi snyan brgyud slob bshad thun mong ma yin pa nyi zla ji srid gnas pa de srid du mi nyams shing ches cher rgyas la rab tu 'phel bar byas pa yin no/ /de ltar dam pa'i mdzad pa mtha' yas yid bzhin chu gter chen po'i 'jings/ /kha dog tsam gyi sngar ma phal cher skrag pas bsam yang mi nus pa/ /der ni bdag gi dad pa'i gru gzings brtson 'grus rlung dar bskyod pas zhugs/ /rtogs brjod nor bu'i cha shas rnyed pa yi ge'i rgyal mtshan rtse la bkod/ /grub gnyis yid kyi shing rta khengs 'dod rnams/ /tshur gshegs nor bu'i mchog 'dir gsol ba thob/ /ji ltar bsam pa'i dge legs dpal de dag /gegs med myur du thob la the tshom bral/ /gzhung lugs chen po'i de nyid ma mthong zhing / /skyes stobs shes rab brtson 'grus mi ldan la/ /skye bo kun gyi tshad mar ma gyur pa/ /bdag 'dra'i blun pos tshul 'di mi rigs mod/ /dam pa'i zhabs pad yun ring bsten pa dang / /mchog tu brtse bas yang yang rjes su bzung / /dad dang gus pa'i bsam sbyor mi dman pas/ /rgyal dbang bla ma mchog de'i sku drin thob/ /grags 'dod smig rgyu'i rjes su mi 'brangs shing / /ston dang bstan pa gzhan nas mi 'tshol bar/ /ci mdzad khyed mkhyen bsam sbyor mi dman pas/ /rang gzhan don du 'gyur snyam ngas 'di byas/ /sgro skur dri ma'i rab rib ring du spangs/ /ma nyams tshig gi dkyil 'khor rab tu gsal/ /byin rlabs 'od 'phreng grangs med 'phro ba 'dis/ /skal bzang snying gi padmo cis mi 'byed/ /phal