[A:380]pa'i slob dpon sangs rgyas rgyal mtshan pa sogs gzhi byes bla ma slob dpon/ grwa pa sbyin bdag dad pa dang ldan pa rnams kyis rang rang gi blo 'khobs dang bstun pa'i mchod pa dang bsnyen bkur ba bgyis/ tshes bcu bdun gyi nyin dpal bo dong e'i mkhan slob dge 'dun dang bcas pa brgyad brgya lhag tsam gyis dpal kun rig dang sman bla'i phyag mchod rgyas par mdzad pa'i tshe nyin thub kyi bsnyen bkur dus gsum khebs pa/ so sor 'bul 'gyed dang bcas pa'i rnam gzhag rgya che bar bsgrubs shing / sbyin pa'i bdag po'i mnga' zhabs su gtogs pa'i skye bo'i tshogs phyogs kyi slong mo ba shin tu mang ches pa rnams dang bcas pa rnams la'ang nas mar rta drel la sogs pa'i 'gyed dang ston mo rgya cher mdzad/ gdan sa chen po dpal ldan sa skya/ kha'u skyed lhas dpal jo mo nang / 'dar stod grang mo che'i chos grwa chen po/ pa rnam bsam sdings/ nyang stod rgyal khang chos sde/ bya rgod gshongs rnams dang / padma chos sdings sogs nye 'khor gyi dgon pa chung ngu thams cad la'ang / so sor mang ja gdan non bla ma so so'i 'bul ba/ 'gyed gtsug lag khang so sor mchod pa sogs phun sum tshogs pa bsgrubs te/ de dag gi dngos po thams cad kyang / bdag gi bla ma 'di ni dngos po gya nom pa gser dngul nas bzung gsol ba bzhes 'phro tshun/ de dang de spyan lam du phab tsam ma gtogs pa 'di dang 'di zhes zhag gsum yang mi 'dzin na/ rtsis 'khri sbri 'khyon sogs sde dpon gyi mdzad pa dang bstun pa'i ched gnyer ga la mdzad/ byung ba dang gnang tshar ba mnyam po zhig las mi yong ba rten dang phyag dpe tsam las