[A:376]stong par song / /sems kyang mi gnas lus kyang kyi bung byed/ /cho nge'i 'o dod gnam du bos lags kyis/ /skyabs mchog bla ma khyed kyis gsan lags sam/ /mya ngan mun par zhugs pa'i sems 'di la/ /ngo mtshar sgyu 'phrul thams cad sdug bsngal rgyu/ /khyed kyi yon tan dran zhing smre sngags shor/ /yi mug gsol 'debs tshig 'di gsan lags sam/ /skyabs dang bral ba'i sdug bsngal me 'bar bzhin/ /mchi ma'i chu klung grangs med lhug par shor/ /mya ngan sa la 'gre ldog byed pa'i lus/ /nyam thag mgon med 'di rnams gzigs lags sam/ /skal med bdag cag rnams kyi gnas skabs 'di/ /mthong na dgra yang mig nas mchi ma 'chor/ /thugs rjes lhag par phyug pa'i mgon khyod kyis/ /btang snyoms yal bar 'dor ba rigs lags sam/ /mi dge'i 'bras bu dus su smin pa'i 'bras/ /bsod nams bgo skal zad pas nongs lags mod/ /de la thugs rje nges par mi dgongs na/ /skyon med dam pa rnams la skyabs ci dgos/ /yab rje chos dbyings bde chen zhing du byon/ /bu rul thar med 'khor ba'i gnas 'di las/ /bsam zhing yi mug ga chad snying rlung langs/ /bcom ldan med dam skyob pa'i dus la bab/ /mtshan dpes brgyan pa'i gzugs sku dbyings su bsdus/ /zab rgyas gsung dbyangs thos pa'i skal ba med/ /bris sku'i rten la bla ma re dgos pa'i/ /las ngan 'di 'dra bdag la 'khur dgos byung / /bslu med khyed dang bral nas mgon med bdag /khyed kyi rnam thar skyong bar byed lags mod/ /rang nyid ma thul gdul bya ji ltar 'dul/ /bsams tshe snying gi gdung ba rgya cher