[A:359]chos rgyal rigs ldan gyis bskor ba sogs zhing khams mang po/ dus 'khor sdom chen/ mkha' 'gro rgya mtsho/ rdo rje phur pa sogs dkyil thang mang po dag cing mtshan nyid dang ldan pa bzhengs pa dang / yig mkhan gnyis gsum re rtag par bsten nas phyag dpe po ti brgya phrag kha re bri ba/ bla ma gong ma dag gi thugs dam bris sku rgas shing 'khogs pa mang po zhig la gong sham zhal khebs 'bul ba/ phyag dpe rnams la'ang dar dang gos chen dang / tha na'ang ras bcos bu yid du 'ong ba'i na bza' 'bul ba sogs don yod pa kho na las/ log 'tsho dang / don med pa la til 'bru tsam yang mi gnang / bla ma dang dkon mchog la thugs shin tu dad pas/ bla ma snga phyi su la'ang snyan gyis gsan par/ mtshan rkyang nas 'bod pa dang skur pa 'debs pa mi yong / bris sku sogs lta ci sAtstsha'i chag dum tshun chad sa rjen la 'jog pa'am/ 'goms yugs 'gro ba 'dra na rtab rtab por mdzad de myur du de las bzlog par mdzad/ gsol ba'i bar lta bu la phyag dpe'am lha rten la gzigs pa zhus na 'bags bdog gsung / phyag legs par phyis zhal bsil nas mdzad kyi bab chol du reg pa sogs ma mthong / gzhan lta ci/ phyag dpe sogs kyi khar dbu zhwa bzhag pa gzigs na'ang / 'di 'dra byed mkhan ci yod khyed tsho las 'bras las grol bas drag ste/ nged la 'jigs skrag chen po bdog gsung de ma thag gzhan du spong bar mdzad de/ rigs brgya'i spyi bor zhabs sen 'god bzhin du/ /phyi rol rten la sri zhu gus pas mdzad/ /snang srid rgyal ba'i rol par gzigs bzhin du/ /rten gsum