[A:238]ba'i dngos po ye med/ da ni 'di rnams kyang blos btang yod gsung ba sogs zhing gzhan du dgongs pa'i zhal ta 'ba' zhig gnang gi gda'/ bdag la da lta lag na yod pa'i rdo dril 'di gnang / chos rjes 'di dkrol la dbang bskur mdzod cig gsung / de snga gnang ba rnams ye ma zhus kyang sku khams ma bde ba'i sgang de la rten 'brel cir 'gyur mi shes bsam 'bul ma nus par nya ra byas/ lan cig sku srung khrod nas bdag chen rin po ches bsgrubs pa'i bdud rtsi ril bu 'ga' dang / 'phags pa'i bdud rtsi ril bu phye ma cung zad bdag chen rin po ches mdzad pa'i bdud rtsi ril bu bsgrub pa'i dpe cha zhig rnams gnang / rje btsun gyi ril bu'i gta' ni bla brang shar pa la sgrub snod thod pa dang bcas pa yod pas khyed rang sku nye yin pas las sla/ /bdag chen rin po ches bdud rtsi ril bu bsgrub dus 'di zos tshad skye ba bcu gnyis tshun la 'tshang rgya zer ba'i mkha' 'gro'i lung bstan thengs gsum byung ba yin pa gda'/ bdag chen rin po ches nga la bdud rtsi ril bu sgrubs gsung ba'i zhal ta yod na'ang lag tu longs pa zhig ma byung / da chos rjes sgrubs mdzod cig gsung / dpung pa g.yon pa'i steng du phyag cab cab ba lan gnyis brgyab byung ba la/ bdag gis rje sems dpa' chen po lta bu la'ang dang po ji lta ba bzhin ma byung ba'i lo rgyus 'dug /bdag gis mi 'grub lags sam zhus pas/ de 'dra mi dgos bdag chen rin po ches mdzad pa'i yi ge legs po 'di gzhir bzhag byas pas 'grub 'grub gsung / de nas hor