[A:237]ja khang chung ngu zhig yod pa sogs su shub bus gnang / res phyi'i spang kha dang mchod rten la zhabs skor mdzad pa'i tshul gyis phyag phyir 'gro gsung nas mi gzhan med pa na sku khyel sogs mdzad nas gsung chos rnams gnang / chos rje la 'di pa sngar nas cis kyang shod bsam pa yod de/ brel ba dang snyom las kyi dbang du lus pa yin/ da dga' rab 'grig pas blo bde gsung / gzhan yang 'das ma 'ong gi gnas tshul lung bstan ngo mtshar ba ji snyed cig gsung gi gda' na'ang / smra ba'i dus kyang min pa 'dug cing / log rtog can rnams las ngan gsog pa las mi 'dug pas 'dir ma bris/ de nas mi sdig can zhig gi grib kyis nyer len byas pa ltar snang bas gsol dang 'gags shing sku shed chung ba'i tshul zhag mang dag byung ba la gsol ba btab ste sman pa la bstan pas/ phyag rtsa'ang res 'ga' mi bde ba snyam byed/ de 'phral nad med kyi rtsar 'gyur ba sogs blos dpag mi shes par gyur/ rje nyid kyang phal cher lta stangs dang bcas pa'i mnyam gzhag tu bzhugs/ bar mtshams su bdag gzhan brje ba'i gsung cung zad gsung / drung na yod pa rnams la sngar las kyang thugs bde nyams che ba'i zhal 'phros bzhad gad sogs mang du mdzad/ de'i tshe'ang des snga yan/ bdag chen rin po che'i phyag dril 'di nged rang gi dam tshig rdo rje dril bur bzung ba yin pas 'di dang dam tshig po ti lam 'bras glegs bam lhung bzed/ snam sbyar tsam ma gtogs bdag tu gzung