[A:232]bran du 'khol ba'i mthu stobs kyi dbang phyug dkar po kun dga' grags pa/ gtsang pa rgya ras kyi rigs su 'khrungs shing zab mo'i lam gyi bdud rtsis myos pas rig pa brtul zhugs kyi spyod pa lhur len pa 'brug pa kun legs par grags pa/ nyams dang rtogs pa'i rtser son nas bhu su ku'i tshul 'dzin pa'i grub thob sgog smyon pa/ skye ba mang po dran zhing rdo la zhabs rjes 'jog pa nag po spyod pa'i rnam 'phrul du grags pa glo bo chos mdzad kun dga' grol mchog la sogs pa grub pa'i dbang por grags pa du ma/ khams phyogs su btsan lha rgyal po'i dbon po/ nyang ting 'dzin bzang po'i dbon brgyud kha yar/ chos gling dbon po bstan 'dzin sku mched sogs shin tu mang po/ kha'u brag rdzong gi ri khrod mdzes par bzhugs pa rnams kyi khrod nas yongs su grags pa ni/ rgyud gsum man ngag dang bcas pa smra ba'i dbang po rje shes rab rin chen/ mkhyen rab chos rje'i dbon po zha lu'i zur chen thos bsam gyi sgro 'dogs bcad nas bsgoms pas nyams su myong ba da lta bya btang gi rnam thar skyong ba brag dkar chos rje/ mthu stobs nus pa'i bdag nyid grub mchog sbyin pa rgya mtsho/ rje nyid kyi dbon rgyud sde'i 'chad nyan mdzad pa bskyed 'phreng chos rje nyid kyi rus dbon da lta seng ge'i khri la rang grub tu bzhugs pa sgrub sde'i gtsug rgyan rin po che gdan sa ba/ 'jig rten chos brgyad hrul por zhig nas gsung ngag gis skal ldan skyong ba mkhar spe rab 'byams pa blo gros rab gsal/ rig pa'i dregs dang ldan zhing sa ra ha'i dgongs don smra ba