[A:230]ngag la de lta bu med do zhes pa dang / ma dag pa yin zer ba sogs than skad sna tshogs kyis bstan pa rin po che dkrug cing nyam nga bar gyur pa'i dus su/ rje btsun dam pa 'di nyid kyis bdag chen rdo rje 'chang chen po'i brgyud pa'i srol gzhung bzung nas seng ge'i nga ro lan cig ma yin par yang yang bsgrags te/ da lta'i bar du snyan brgyud kyi gdams pa lo grangs bskor ba'i 'chad nyan sgom sgrub kyi sgo nas skal pa rab kyi mchog tu gyur pa rnams smin cing grol bar byed pa'i rgyun ma nub par yod pas/ rje btsun gong ma rnams dang / ngor chen rdo rje 'chang chen po yab sras chos kyi dbyings nas dgyes pa'i 'dzum dkar ci yang bzhad par mdzod cig /de lta bu'i gsung gi bdud rtsi las bskrun pa'i bstan pa rin po che 'dzin skyong spel ba'i zhal slob kyang bgrang ba'i yul las 'das pa tsam yod mod/ che long tsam smos na/ deng sang sa'i steng gi skye rgu thams cad kyi gtsug gi nor bus zhabs kyi rdul 'phreng mchod pa/ sa skya 'khon gyi gdung brgyud dri ma med pa 'jam dbyangs chos kyi rgyal po ngag gi dbang phyug grags pa rgyal mtshan dpal bzang po/ mkhyen pa'i blo gros nam mkha'i khyon ltar yangs pas gangs ri'i khrod du 'gyur ro cog gi dam pa'i chos mtha' dag 'dod dgur stsol ba'i dpal yon can grub pa'i dbang phyug spyan snga tshul khrims 'bar gyi rnam 'phrul du grags pa gnyug la paN chen rin po che ngag dbang grags pa dpal bzang po/ ya ma bde ldan gyi ri khrod kyi rgyud sde 'dzin pa rnams kyi gtsug gi nor bu bde kye zab mo'i chos kyi rgya mtsho chos rje rin po che nam mkha'