[A:226]'ang / sman sbyor/ rten 'brel byin rlabs kyi sgo nas phan thogs mdzad/ rgyal po'i chad pas 'jigs pa'i nag can mang po'i lus srog skyabs pa'i zhu ngo mang du mdzad/ la ra zho nga gnyis la seng ge rtser khral 'chag gi rgyu mtshan phul nas lo grangs mang po'i bar du de dag gis skungs myul byas ga ra gzhung la 'gro ba'i mgron po rnams choms rkun ar jag gi 'jigs pa las grol ba sogs rnam par dkar ba'i mdzad pa 'phrin las bsam gyis mi khyab pa yin no/ /mthu stobs dbang phyug zhal gyi bdud rtsi'i rgyun/ /phyi nang gsang ba'i rten 'brel sgyu 'phrul gyis/ /skal bzang mang po'i ting 'dzin sgo brgya phye/ /rtsa rlung gegs kyi mdud pa ma lus bgrol/ /rje btsun bla ma'i bka' yi bsngags pa brjod/ /gsung ngag zab mo'i che ba phyogs brgyar bsgrags/ /rnal 'byor dbang phyug padma'i ngang tshul dang / /dam pa khyed kyi rnam thar 'gran pa bzhin/ /khyod thugs ye shes mthu stobs gzi byin gyis/ /srid gsum 'byung po ma lus gdug pa'i sems/ /btang nas zhabs kyi padmar gus btud de/ /bka' yi springs yig gtsug gis mchod pa na/ /kha ba can gyi nyam thag 'gro rnams kyi/ /mgon du 'di nyid 'os zhes rab dgongs nas/ /padma 'byung gnas rnga yab dpal ri'i rtser/ /nyi gzhon mdangs la chibs nas yud kyis bzhud/ /rab dkar dga' tshal ra ba na/ /dpal ldan lha dbang dam pa gang / /skal bzang mkhar nyal mtha' dag la/ /rnam mang zab yangs thar lam stsal/ /mkhyen brtse ye shes rtser 'dzegs te/ /bde chen dge legs ster byed des/ /de ring snying gi dkyil 'dir ni/ /siddhi byin