[A:204]pas/ mgon po'i sgo nas bzlog pa zhig cis kyang mdzad dgos zhes nan gyis gsung pa la brten/ mgon po'i mdos gtor sbrags ma zhig zhag 'ga' bsgrubs nas mthar 'phen pa la phyogs pa na/ phyogs de'i chos sde'i grwa pa sogs 'gas ji ltar byed dam zer co 'dri ba'i rnam par ltad mo la byung ba'i tshe/ mdos la rje nyid kyi phyag reg pa tsam gyis de'i khrod nas mi phru ba 'bring tsam zhig nar gyis chad nas mthar phyar ba chen por tsam du song nas stod phyogs la song ba dang / dpal mgon chen po'i gtor ma sa shin tu 'khregs pa la phyed nub tsam du thim song bas/ der tshogs thams cad 'jigs skrag zhum zhing ha las kho sngags rgod bgrangs pa'i nus pa yod pa zhig yin pa 'dug zer zhing log /bdag mo'ang dga' mgu yi rangs te rjes su sbyin bdag gi mthil mdzad pa 'di byung / de nas zhag 'ga' nas byad ma de'ang dag pa'i zhing du song ba'i gtam byung nas rje nyid kyis rjes su 'dzin par mdzad pa yin no/ /yang mngon spyod kho nas 'dul bar 'os pa mi bskyod rdo rje'i sar rings par chas pa'i skye bo mi bsrun pa zhig gis/ rje nyid la ngan smras gshags 'debs sogs mi 'tsham pa du ma byas pa'i dus/ rje 'di nyid nag po chen po'i gsang 'khrid nyams bzhes mdzad pa'i las sbyor gyi skabs dang 'grig pa byung bas/ ma rungs pa de la thugs brtse ba chen pos kun nas blangs te las sbyor gyi dmigs pa thun gcig gtong bar mdzad pa na gzigs snang du mdun thams cad gos lhab lhub nag po gyon pa 'ba' zhig gis khengs nas gzhan ci yang mi gzigs pa zhig byung gsung / de nas sgrub bya de khrag bskyugs te zhag