[A:203]phebs/ brag pa'i spyi khang na bzhugs pa'i tshe/ gzims khang nas 'bod mkhan gnang byung / nga sleb pa sus zhus/ rje rin po che sku mtshams grol ba e yin gsung pas/ sku mtshams shin tu dam par yod zhal ta la chos rje kun spangs pa phebs yod 'dug pas da lta gdan drangs shog gsung gin 'dug zer/ der byon pas mkhyen rab chos rje'i zhal ta la da nang tho rangs bdag chen rin po che sngas mgor byon byung nas chos rje kun spangs pa sa skyar brdzangs nas 'dir 'byon pa yod pas mjal kha thong gsung ba byung / da nang las mkhan rnams dang / bya nag g.yag nag khyi nag sogs bsam gyis mi khyab pa dpal ldan rtse nas sgo la mi shong ba tsam song / bdag chen rin po che'i sku don gal chen rang zhig yod pa 'dra/ gang ltar nged kyis lam gyi bar chad sel ba la gzungs gra lnga'i dbang bskur zhig byed thugs dam da ci nas tshar gsung nas gnang bas/ rje yab sras gnyis ka la mi phyed pa'i dad pa 'khrungs shing spyan chab mang po lhug par shor/ de nas rim bzhin brgyud de/ phebs pas lam bar rnams su spyan zur la chibs kyi snga shal byis pa'i mgo cig phrul phrul yong / ched du gzigs pa na med 'gro ba dang / gzhan yang chos skyong gi rnam 'phrul 'jigs su rung ba mang po byung gsung / de nas sa skyar phebs gdong du gros ngan gshom pa'i gtso bo de'i bu shin tu gces pa gcig shi /gzhan rnams la'ang mi 'dod pa'i ltas du ma byung bas thams cad 'jigs shing skrag nas zhal ta gang gnang lhur len pa byung / seng ge rtse pa'i bdag mo chen mos nged la gzhan gyis byad kha'i rnam par mi sdug pa'i ltas du ma yong ba zhig 'dug