[A:200]'di ngor du thugs la bzung nas de 'phral nya ri phyogs su byon pas lam du snod stong dang zha long sogs mi sdug pa'i mtshan ma dgu btud tsam byung / mthar thug dran pas mi zin pa tsam byung ba na/ chibs gzhol te gur mgon gyi srung 'khor bsgom pas ci bder song nas ngo mtshar ba'i mtshan ma byung gsung / 'di lta bu'ang 'phral rtse reg gi rnam par snang yang nges par phugs rjes su 'dzin pa'i ltas su 'dug /de bzhin du rten skya bo'i dus nas dpal mgon gyi gtor ma bsngo ba'i skabs 'gar gtor ma'i zhal yud kyis bsgyur yong ba dang / glo bur du phebs bzhud dgos pa'i skabs 'ga' zhig tu dur khrod bdag po'i rgyun gtor khru re tsam dang mtho re tsam ci rigs par 'phar ba kun gyi mthun grub tu mthong ba dang / chu mig bla brang du bzhugs pa'i nub gcig nam phyed tsam na thug com 'ur sgra shin tu che ba zhig byung ba'i rjes su rje nyid bzhugs pa'i sgo de shag ste phye nas pu tra 'di mi nag po gos nag can 'jigs su rung ba zhig tu byas phyag g.yas na ral gri 'od kyis nang thams cad sgron me bteg pa bzhin lhag lhag 'ong ba zhig bsnams g.yon na mi mgo khrag 'thig pa zhig khur nas 'di len pa la dka' las chen po byung zer sdug yus dang bcas bskyur nas song gsung / bdag chen rdo rje 'chang chen po'i drung du nag po chen po'i gsang 'khrid gsan nas bsgoms pa'i dus shig 'od gsal gyi gzigs snang la rang nyid gur gyi mgon po dngos su gzigs shing de'i g.yas phyogs na yum chen e ka dzA Ti bzhugs pa'ang gsal bar gzigs/ 'khor gzhan rnams kyang yod snyam pa tsam byung gsung / lan cig mnal lam gyi rnam par skyed lhas shar ngos kyi