[A:173] phyir phebs khar deng sang sangs rgyas kyi bstan pa nub tu nye bar song / bstan pa 'dzin pa'i skyes bu dam pa'ang shin tu dkon par 'dug pas/ zhabs drung nas sngar bzhin spyir sangs rgyas kyi bstan pa dang / bye brag tu dpal ldan sa skya pa'i bstan pa rin po che dar zhing rgyas pa'i thugs kyi khur che ba cis kyang bzhes dgos shing bdag kyang rab byung bsnyen rdzogs shig bsgrub pa'i mkhan po zhu zhing / sku 'dun la gsung ngag slob bshad lo 'khor mar grags pa zhig bzhugs yod 'dug pas/ de sogs gsung chos kyi bka' drin kyang tshad med pa skyong dgos zhu ba'i snyan gsan phul bas/ nang pa ngo mtshar che deng sang dge ba'i bshes gnyen du rlom pa rnams kyis kyang khyod kyi bstan pa la bsam dgos zer mkhan dka' ba 'dug /khyed gzhis ka rin spungs pa'i dbyings che sa rang na phebs 'dug pas ma thub pa yong ngam/ 'byon thub pa shar na nged kyis khyed rang gsung ba ltar/ cis kyang bgyid gsung ba'i zhal bzhes bzang po phebs pa bzhin mi phyed pa'i dad pas thugs drangs shing brtson pa'i shugs bskyed nas ngang pa padma'i mtsho la snyeg pa ltar/ dpal ldan sa skya'i gtsug lag khang chen po ga la ba der phebs te/ mkhan po yongs rdzogs bstan pa'i mnga' bdag ngur smrig 'dzin pa thams cad kyi gtsug gi nor bu bdag chen chos kyi rgyal po de nyid dang / slob dpon 'dul ba 'bum sdes gang gi mgrin par brgyan pa'i btsun pa'i mchog tu gyur pa slob dpon lha btsun pa dang / gzhan yang gsangs te ston pa/ grib tshod pa/ kha bskong bar 'os pa'i dge