[A:170]sti'i rgya mtsho chen po la 'dod dgur longs spyod pa sogs/ mdor na rgyal po byams pa'i stobs kyis rgyal srid bskyangs pa'i tshul ji lta ba bzhin du gyur to/ /rang nyid kyang phyi rol tu rgyal srid kyi kha lo sgyur kyang nang du yongs 'dzin dam pa rnams bsten nas de dag gi zhal las byung ba'i zab pa dang rgya che ba'i gdams pa rnams rtse gcig tu nyams su bzhes shing thugs tshims par mdzad pa yin no/ /ji ltar sgyu ma sprul pa'i gzhon nu yis/ /mig 'khrul las byung dga' mar rtse ba ltar/ /srid la zhen pa'i dri mas dben gyur kyang / /srid 'dir 'gro ba 'dul ba'i gar gyis rol/ /gang zhig 'phongs pa'i ral pa'i zur phud kyis/ /zhabs sen zla dbang gsar par btud gyur kyang / /'bum phrag khral gyi mun pas gtses pa dang / /lus srog mnar ba'i khur gyis dub pa dag /thugs rje 'od ris dkar po'i zer brgya yis/ /byugs pa'i mos la dga' bde'i ga bur gyis/ /gzegs mas snying gi tsha gdung mthar byas te/ /snyan pa'i ba dan dkar po srid na g.yo/ /e ma sham bha la yi pho brang yid 'ong nas/ /rigs ldan dbang po phyogs 'dir dus kyi 'ongs sam snyam/ /khyod kyi mdzad pas sngon byon bod kyi chos rgyal rnams/ /skyengs ldan zhi ba'i dbyings su gzims nas btang snyoms bzhugs/ /phyi ru rlabs chen spyod pas rgyal srid skyong / /nang du rim gnyis rtogs pa'i rtse mor son/ /khyod kyi sgyu 'phrul dra ba'i zlos gar gyis/ /indra bhU tI rdo rje'i zhing du bros/ /de yi mthu las au DDi