[A:165]gyis ci yin gsungs pas/ bdag btsun pa la 'bros snyam pa yin gsung ba dang / 'dri klog la sogs pa'ang brda tsam phul bas thogs med du phul du phyin par mkhyen par gyur la/ sku na shin tu phra ba'i dus der 'byung po chen po zhig khyi'i rnam par byas te drung du byung ba/ bskyed rim gyi nga rgyal dang bcas pas sku srung brgyab pas rgyang ring du bros pa'i skad ngan phyi rol tu skye bo gzhan dag gis thos pas kun gyis ngo mtshar bar gleng ba byung bar snang ngo / /rlabs chen spyod pa des pa'i gom stabs kyis/ /tha mal mu cor ming gi lhag mar byas/ /gzhon nu nyid nas rgan po'i blo can de/ /nyin mtshan chos kyi snang bas 'da' bar gyur/ /shwa na'i zol gyis 'ongs pa'i gdug can gdon/ /sku srung zol gyi rab 'bar rdo rje yis/ /rgya mtsho'i pha mthar bskrad pa'i ngud mo'i sgra/ /phyi rol skye bo'i rna bar lhang nger bsgrags/ /dgung lo lnga tsam bzhes pa'i dus/ mgon po gur zhal gyi gtor chog ma bslabs par mkhyen cing / /nyi shu dgu byung ngo cog gi gtor ma dpal 'bar dang bcas pa sa skya phyogs su 'bul bar mdzad pa'i tshe'ang / chos skyong 'di na gsung ba sogs thogs med du gzigs pa dang / skabs 'gar chos skyong rnams byon byung gsung pa'i tshe/ thog 'tsheg pa dang / khang pa g.yo ba la sogs pa'i rnam 'gyur kyang che bar 'byung zhing / gzhan yang nga dang po la stod byang gi bla ma 'di lta bu yin yon tan nor rdzas grwa pa sogs 'di lta bu yod gsung ba byung 'dug /dgung