[A:588]dang po la brgyad de/ rigs khyad par can du 'khrungs pa'i tshul/ nges 'byung gi bsam pas bskul ba'i tshul/ bstan pa'i sgor zhugs pa'i tshul/ thos bsam gyis rgyud sbyangs pa'i tshul/ bsgom pas nyams su blang ba'i tshul/ bla ma lha yis rjes su bzung ba'i tshul/ 'bras bus bstan pa la bya ba byas pa'i tshul bsam gyis mi khyab pa'i rnam thar gzhan bstan pa'o/ /dang po ni/ rgya chen smon lam zhes sogs tshigs bcad gcig ste/ 'gro ba mgon med pa rnams kyi mgon du gyur cig ces pa'i smon lam gyis sngon bsags pa'i tshogs gnyis kyi chu gter bsrubs pa las/ /sde snod gsum dang rgyud sde bzhi'i bstan pa gser gyi ri bos bskor ba'i gangs ri'i khrod 'dir dal 'byor gyi lhun po brnyes te/ de yang dbus gtsang ru bzhir grags pa'i g.yas ru byang gi cha 'phags pa 'jig rten dbang phyug gis byin gyis brlabs pa'i skyes chen du ma byon pa'i mus kyi lung pa'i stod/ rta mo gling skya zhes bya bar yab dkon mchog bzang po lo so bzhi lon pa'i dus su/ yum nam mkha' skyong las/ sa pho 'brug gi lo la rje 'di nyid 'khrungs pa'i mtshan dkon mchog dar zhes bya'o/ /de yang 'di'i rigs zhang / rus pa ldong yin la/ yang mes zhang 'od ldan des mus su byon/ de'i sras po zhang g.yung de bcu gcig zhal la thugs dam du mdzad pas lo gya drug thub/ de'i sras dkon mchog bzang po ste/ nam mkha' blo gros pa la rab byung zhus pa'i mtshan dkon mchog dpal/ de nas jo nang pa nam chos pa la don zhags dang / sbyor drug zhus/ mus chen nam mkha'i rnal 'byor pa las khrid zab mo 'ga' zhig zhus te/ don zhags kyi gzungs dang yi ge drug pa la thugs dam mdzad pa zhig ste/ des na rje 'di nyid ni skyes bu dam pa'i rigs su 'khrungs pa yin no/ /gnyis pa ni/ gzhon nu nyid nas zhes sogs tshigs bcad gcig dang /