[A:617]byang sems/ rig 'dzin sngags kyi bstan pa spel ba'i tshul gsum las/ dang po ni/ legs gsungs 'dul ba'i zhes tshigs bcad gcig ste/ so so thar pa'i sdom pa don du gnyer ba rnams blo'i rim pa dang 'tsham par/ dge bsnyen/ dge tshul/ dge slong gi sdom pa la/ dri ma med pa'i cho gas bkod par mdzad de/ sngar chos rje bzang po'i zhabs zhal bzhugs pa na/ rje 'di nyid dang gdan 'dzom pa'i tshe/ chos rje ngor pa dang / chos rje mus pa lta bu'i mkhan slob 'dzom pa'i dus su bsnyen rdzogs la 'gro zer nas/ phyogs mtha' dag nas sprin bzhin du 'dus pa dang / phyis rang nyid kyis mkhan po mdzad pa'i sgo nas rab byung dang bsnyen rdzogs mdzad pa yang bsam gyis mi khyab bo/ /gnyis pa ni/ a ti sha'i zhes sogs tshigs bcad gcig ste/ chos rje rgyal mchog pas khyod kyis blo sbyong 'di'i bka' ma chad pa gyis gsungs pa la brten nas/ dbyar dgun rnams su blo sbyong re ma chag par gsungs shing / don du gnyer na nam byung dus su gsungs par mdzad pas/ bka' srol 'di'i yang bdag por gyur cing / theg pa chen po pha rol tu phyin pa'i nyams len rgyas par mdzad pa yin no/ /gsum pa ni/ thun mong lam gyi zhes sogs tshigs bcad drug ste/ dang pos dbang bskur ba/ gnyis pas rgyud bshad pa/ de nas gsum gyis man ngag gnang ba tha mas lung gi sgo nas bstan pa spel ba bstan to/ /de yang bdag nyid chen po 'dis dbang bskur ba'i tshe na yang / rdul tshon gyi dkyil 'khor dang / ting nge 'dzin gyi dkyil 'khor dang / slob ma lhar bskyed pa rnams gdan gsum tshang bar dag bya dag byed ngo sprad nas brgyud pa bar ma chad pa'i cho ga rnam par dag pas dbang bskur bas sku bzhi'i sa bon thebs par mdzad pa zhig go /rgyud 'chad pa'i tshe mtha' drug tshul bzhi la sogs pa 'chad tshul rnam par dag pa'i sgo nas zab don gyi nor bu ston par mdzad pa zhig go /man ngag gnang ba'i tshe bskyed rdzogs kyi man ngag zab mo rnams la rtog ges brtags pa'i grub mtha' rnams