[A:583]pa'i phyag rgya can/ /sku ngur smrig na bzas rnam par mdzes/ /zhal mdzod spu dkar pos legs par brgyan/ /dbu paN chen zhwa yi cod pan 'dzin/ /kun dang ba skyed mdzad de bzhugs so/ /g.yon 'og char dpal ldan 'phags pa'i mtshan/ /phyag g.yas pa mchog sbyin chen po'i tshul/ /g.yon ting 'dzin g.yo med mnyam gzhag can/ /mgon thub pa'i brtul zhugs 'dzin de bzhugs/ /steng g.yas char dges mdzad yum dang bcas/ /chos snying rje bsdu dngos rnam thar sogs/ /thabs dag pa rab 'byams gar mkhan tshul/ /de ye shes me dpung dbus na bzhugs/ /dpal bde mchog yum bcas g.yon gyi char/ /sku tshangs gnas rten 'brel sogs rol pas/ /las sgyu 'phrul chen po'i don bsgrub pa/ /me rab 'bar dbus na lham mer bzhugs/ /gzhi lam dang 'bras bu'i chos lnga tshan/ /kun mtshon byed 'khor lo la sogs pa'i/ /lha rigs lnga'i phyag mtshan gtso bo yi/ /logs g.yas g.yon steng gi cha na bzhugs/ /rgyud dkyil 'khor rnam bzhi lam bzangs bzhis/ /'gros rnam bzhi thim pa'i sku bzhi yi/ /rtags mchod rten rnam bzhi 'ja'i nang gi /phyogs g.yas g.yon cha na legs par bzhugs/ /de g.yas phyogs steng na rnam rgyal dang / /de'i 'og gi cha na byang chen gcig /g.yon dbus char byang chen che ba dang / /de'i phyi thad chung ba 'ja' la brten/ /'og g.yas phyogs bstan dang 'gro ba la/ /las gnod byed gdug pa kun 'dul pa'i/ /dpal nag po chen po lcam dral gnyis/ /dus tha ma'i me 'dra'i dbus na bzhugs/ /rje bla ma'i tshogs dang phyag rgya lnga/ /gdan padma zla ba'i steng na mdzes/ /lha yi dam chos skyong lcam dral bcas/ /don rnam dag mtshon pa'i gdan la bzhugs/ /'di thar lam ston pa'i bla ma dang / /mchog dngos grub stsol ba'i yi dam lha/ /las ci bsam sgrub pa'i chos srung sogs/ /yul rnam dag gzigs tshul mdo tsam yin/ /khyad par rje btsun grags pa'i phyag g.yas nas/ /'on dkar gcig 'phros sngo dang gnyis su gyur/